Алтан намар

Ургацын талбайд хөгжөөн тасрахгүй
Уудам бэлчээрт шуугиан татрахгүй
Алтан намар он жил улиравч дуурсгалтай
Аяны шувуудыг дагаад нисчихгүй нь сайхан
Ай даа намар цаг
Алтан сайхан цаг
Ай даа намар цаг
Амьдрал тэтгэх цаг

Бодол хүслийн жигүүр цуцахгүй
Борхон зүрхний хайр дундрахгүй
Алтан намар эсэн энхийн ерөөлтэй
Аясын салхийг дагаад хийсчихгүй нь сайхан
Дх
Ижил нөхдөө мартахын аргагүй
Эгшиг дуугаа таслах учиргүй
Алтан намар аялгуу айзмын уянгатай
Алслах нарыг дагаад буцчихгүй нь сайхан
Дх
 http://youtu.be/VKLBAsEzTvs
Үг: Д.Цэдэв
(Монгол Улсын Соёлын гавъяат зүтгэлтэн, PhD)

Ая: Н.Жанцанноров
(Монгол Улсын Төрийн хошой шагналт, Монгол Улсын Ардын жүжигчин)

Дуучин: Б.Зангад
(Монгол Улсын Ардын жүжигчин, Оросын холбооны Буриад улсын Ардын жүжигчин)