Реферат бичих зөвлөмж

Реферат гэдэг нь эх бүтээлийн зайлшгүй шаардлагатай үндсэн мэдээлэл, дүгнэлтийг өөрийн нэмэлт тайлбар, шүүмжлэлгүйгээр товч оновчтой хураангуйлан бичихийг хэлнэ. Реферат бичихэд эрдэм шинжилгээний өгүүлэлд байдаг дэлгэрэнгүй баталгаа нотолгоогаргах, харьцуулалт жишилт хийх, үр дүнг шүүн хэлэлцэх, үнэлэлт дүгнэлт гаргах зэрэг үйлдлийг хийдэггүй. Учир нь эдгээр нь уншигчийг итгүүлэх үйлдэлтэй хэрэглүүр юм.

Рефератад эх бүтээлийн агуулгаас дараах зүйлсийг оруулна.
- ажлын сэдэв, судлагдахуун, зорилго, агуулга
- судалгааны арга зүй
- ажлын үр дүн, ач холбогдол
- ажлын үр дүнг хэрэглэх салбар
- гаргасан дүгнэлт
- нэмэлт мэдээлэл
Реферат бичихэд дараах үндсэн шаардлагууд тавигддаг:
- бодитой, үнэн зөв байх
- бүрэн байх
- хэл найруулга нэгдмэл байх
- рефератын хэл нь оновчтой, тодорхой, хэл зүйн нийлмэл бүтэц, найруулгын төвөгтэй хэлц хэрэглээгүй байх ёстой

Эх сурвалж: 

1.      Зээнямбуу Ч. Уранбилэг Ч. Реферат, ангийн болон дипломын ажил, магистр, докторын зэрэг горилсон зохиол бичих арга зүйн зөвлөмж.2010