Гэрийн нөхцөлд сармисны ханд хийж үлгэрийн мэт сайхан үстэй болоорой.

Хүний үсэнд тэжээл өгч, эрүүлжүүлж, гялалзуулах ид шид сармисанд байдаг. Сармисны ханд хийж хэрэглэснээр үсний байгалийн өнгийг сэргээж гялалзсан намирсан болгодог. Сармисны ханд бэлдэхэд амархан бөгөөд ус, сармис, өндөг байхад л хангалттай. Бондгор сармисыг хальслаж цэвэрлээд (хумс сармис биш шүү) жижиглэн хэрчинэ. Ингээд жижиглэн

хэрчсэн сармисаа өөр саванд хийж дээрээс нь буцалсан халуун усаа хийж хий орохооргүй сайтар таглана.  Үүнийгээ 24 цаг сэрүүн газар байлгасны дараа сармисны хандыг өөр саванд шүүж авна. 1 ширхэг өндгийг сармисны ханданд хийж автомат холигч эсвэл сэрээ ашиглан өндөгний шар задартал хольж миксэрдэнэ. Ингээд хуурай үстэй байхдаа толгойныхоо хуйхнаас эхлэн түрхэж массаж хийж өгнө. Сармисны хандыг хуйх, үсэнд дуустал түрхэсний дараа гялгар малгай өмсөөд 20-25минут болно. Их удвал хуйх түлэгдэнэ.  Дараа нь массаж хийх маягаар шампунь ангижруулагчаараа угаагаад хүйтэн бүлээн усаар зайлаад л боллоо. Долоо хоногт 1 удаа усанд орохдоо энэхүү аргаар үсээ арчилж байж болно. Эхний угаалтаас л таны үс намирч, гялалзан өнгө орсон байхыг та мэдрэх болно.